貓奴生活嘅改變

因為嚟咗貓妹妹之後，Max成日覺得佢嘅愛俾人分薄咗，所以變得好敏感，同埋小氣。

好在貓奴J提過我一個口號，叫做「以大為先」，乜嘢都係俾咗大嗰個先，咁成件事就會好好多。

同埋我哋要比200％嘅關心俾Max，同佢玩嘅時間多咗一倍，摸佢嘅時間又多咗一倍，而且要比好多信心佢。呢個週末，老公同我都留喺屋企陪佢地。

好在貓妹妹都好乖，雖然我哋冇乜理佢，但係佢都照玩、照食、照去廁所，冇乜大問題。一見到我地入房，佢就會跳下跳下，好似狗仔咁樣。