貓舍姐姐C同埋貓舍哥哥E 首先車左我同老公一齊去元朗獸醫診所同貓貓做一次全身檢查，佢係架車度不停咁細細聲嗌… 去到獸醫度又驚驚青青，好在獸醫話佢好健康，個肚仔仲脹卜卜，貓舍姐姐C話佢出門口之前俾左雞肉佢食，哈哈。當日貓貓兩個月零兩個星期，磅重1.45kg，好正常。
之後貓舍哥哥E車返我地一齊去貓舍， 仲教埋我地點樣同貓貓沖涼同剪手甲，真係好好。貓舍姐姐C係我地臨走之前俾左好多貼士我地，話如果唔知點樣照顧貓貓既話，隨時可以whatsapp佢，簡直係同我地打左強心針！
不過貓貓第一次沖涼個陣就真係驚到癲左…
之後佢去埋風乾，驚到縮埋一舊…
撘埋的士，返到屋企都已經淩晨1點，我同老公雖然好眼訓，但係同一時間亦都好興奮，因為從此之後，屋企多左個新成員！
沒有留言:
張貼留言