帶貓貓返屋企前 - 準備一

貓舍哥哥E千叮萬囑我哋，帶貓貓返屋企之前一定要有要裝防貓網，因為如果唔係就會變成「飛天貓」，造成慘劇。

於是我就搵咗一間鋁窗公司，幫我地整晒全屋企嘅窗口，其實有好多好處，因為除咗防止貓跳樓之外，夏天可以防蚊，將來又可以防止小朋友跌落街，感覺上好似抵啲。

好在整完之後，都冇阻礙到景觀，唔錯唔錯！

至於拆出嚟洗亦都唔麻煩，跟住搵水沖吓又乾淨啦！

因為有地方安裝唔到防貓網，於是就用咗高密度嘅鋁窗，雖然平啲，不過感覺就好似變咗監獄⋯⋯

好嘢，搞掂左第一步，將來可以安安全全咁同貓貓生活！